Да 175-годдзя Элизы Ажэшка

Да 175-годдзя Элізы Ажэшка

Эліза Ажэшка ў пераклады

Наступныя два матэрыялы можна падаваць пад якім заўгодна публіцыстычным соусам брэнда «Маладосць»: і як «Літаратурнае падарожжа», і з ярлычком «Гісторыя і постаці», і ў якасці нататак «З вандроўкі», і пад шыльдачкай «Інтэрв’ю». Яны перамяшчаюць чытача і ў прасторы, і ў часе, і па радочках мастацкіх твораў, і па таемных куточках душы, і за межы магчымага. Але гэтыя дзве размовы, якія адбыліся ў Гродне, пададзены пад шыльдай «З нагоды». Бо ёсць для іх сапраўдна вартая, цудоўная нагода — юбілей гарадзенкі Элізы Ажэшка.

З дырэктарам навуковай бібліятэкі Гродзенскага дзяржаўнага ўніверсітэта імя Янкі Купалы Мікалаем Грынько і выкладчыкам кафедры польскай філалогіі названага ўніверсітэта, доктарам філалагічных навук, прафесарам Святланай Мусіенка гутарыць галоўны рэдактар часопіса «Маладосць» Святлана Дзянісава.

Чытаць далей

25 мая 2016 г.

Конкурс

Конкурс

Міжнародны конкурс «Родны дом» праводзіцца да 1 кастрычніка 2016 года Рэдакцыйна-выдавецкай установай «Выдавецкі дом «Звязда» пры падтрымцы Саюза пісьменнікаў Беларусі.

Конкурс праводзіцца ў сеціве, асноўны рэсурс — сайт «Сугучча» www.sozvuchie.zviazda.by. З палажэннем знаёмцеся, калі ласка, вось тут. І дасылайце свае творы.

18 мая 2016 г.

Прывитанне усим!

Прывітанне ўсім!

Шкляр Марыя
Шкляр Марыя з вучнямі і часопісам Бярозка

Мне вельмі падабаецца часопіс «Бярозка». Напэўна, і вам таксама! Таму я вырашыла паказаць яго ў сваёй школе. Вялікі дзякуй настаўніцы гісторыі і дырэктару школы адначасова Балбека Надзеі Аляксандраўне за палову ўрока, аддадзеную мне і «Бярозцы». Аднакласнікам адразу стала цікава: кожны ўзяў часопіс у рукі, усе пачалі глядзець яго. А я расказала пра тое, як пазнаёмілася з ім, як ён мне падабаецца, пра што ў ім пішуць… І гаварыла я праўду: гэта мой часопіс, які я шукала, якога мне не хапала. Дзякуючы яму я і мову разумець стала лепш, і размаўляць.

Дык і вы пазнаёмце сваю школу з такім сапраўдным часопісам-сябрам!

Дасылаю два фотаздымкі. На адным я з вучнямі, на другім — проста я.

Шкляр Марыя
6 клас, Бігосаўская СШ

Ад рэдакцыі.

Мы не замаўлялі гэты ліст. Проста атрымалі яго ў сваю паштовую скрыню. І цяпер толькі дапамагаем голасу маленькай школьніцы быць пачутым па ўсёй краіне. Голасу, аддадзенаму за «Бярозку»!

Падпісныя індэксы:

Ведамасныя:
74879 льготны ведамасны (для школ) – 40 000 рублёў за нумар, 120 000 рублёў на квартал, 240 000 рублёў на паўгоддзе.
748222 ведамасны – 45 000 рублёў за нумар, 135 000 рублёў на квартал, 270 000 рублёў на паўгоддзе.

Індывідуальныя:
74888 для членаў Беларускай рэспубліканскай піянерскай арганізацыі — 20 000 рублёў за нумар, 60 000 рублёў на квартал, 120 000 рублёў на паўгоддзе.
74822 індывідуальны – 25 000 рублёў за нумар, 75 000 рублёў на квартал,150 000 рублёў на паўгоддзе.

17 мая 2016 г.

Стэнд «Звязды» а ля квеструм

Стэнд «Звязды» а ля квеструм

Часопіс «Маладосць» на выставе «СМІ ў Беларусі» зладзіў свой першы квест.
Стэнд «Звязды» а ля квеструм
Стэнд «Звязды» а ля квеструм
Стэнд «Звязды» а ля квеструм
Стэнд «Звязды» а ля квеструм

Галаваломкі былі нескладаныя, але цікавыя, з паглыбленнем у гісторыю выдання і зваротам да легендарных імёнаў і тэкстаў. Інакш кажучы, першы блін не комам. «Можна практыкаваць такія вось квэсты на іншых мерапрыемствах, пашыраць існуючы, дадаваць пытанні ды этапы», — паведамлялі шчаслівыя рэдактары аддзелаў паэзіі і прозы Ірына Мяцеліца і Маргарыта Латышкевіч у справаздачы галоўрэду. Вось некалькі фота з пераможцамі («Некаторыя саромеліся фатаграфавацца, некаторых сфоткаць проста не паспелі — такі быў наплыў»). Усяго ўдзельнічала чалавек дванаццаць («а мо і болей»), людзі падыходзілі да стэнда Выдавецкага дома «Звязда», цікавіліся, уцягваліся ў гульню, вельмі радаваліся, калі перамагалі. Актыўна гарталі «Маладосць», шукалі падказкі. У падарунак атрымлівалі нататнічкі «Звязды» і каляндарыкі. «І давялося два разы па іх хадзіць. Пасля і гэтыя закончыліся, раздавалі гумарыстычныя кніжкі Бураўкіна», — гэта зноўку са справаздачы. Раздавалі таксама кантакты часопіса і падпісныя ўлёткі.

Было весела, гадзіна прамінула незаўважна.

16 мая 2016 г.

На филфаку БДУ

На філфаку БДУ

11 мая вечарам у чытальнай зале філалагічнага факультэта БДУ прайшла прэзентацыя красавіцкага нумара часопіса «Маладосць».
Досця — дасціпны сімвал «Маладосці».Досця — дасціпны сімвал «Маладосці».
Спадара Жыбуля слухалі б доўга, так змястоўна і цікава ён распавядаў.Спадара Жыбуля слухалі б доўга, так змястоўна і цікава ён распавядаў.
Вечар быў аздоблены паэзіяй і музыкай.Вечар быў аздоблены паэзіяй і музыкай.
Павел Касцюкевіч і Аксана Варатнікова.Павел Касцюкевіч і Аксана Варатнікова.
Фотасесія.Фотасесія.
Ініцыятарка і вядучая — Маргарыта Латышкевіч.Ініцыятарка і вядучая — Маргарыта Латышкевіч.

Як вядома, ён яўрэйскі, гэты нумар. Прысвечаны юбілею Змітрака Бядулі, ён змясціў і фотаздымак усіх трох братоў Плаўнікаў (кожны з якіх, як аказалася, мае дачыненне да літаратуры, а не толькі той, хто пасярэдзіне, — аўтар «Пяці лыжак заціркі»), і размову з сынам Змітрака Бядулі, і ўспаміны пра дакрананне да яго творчасці, і нават комікс — на гэтыя самыя «Пяць лыжак…». Але Змітрок Бядуля — не самы галоўны герой нумара. На імпрэзе Віктар Жыбуль, адзін з аўтараў, вельмі эмацыйна расказаў і пра Юлія Таўбіна, паэта, які пражыў толькі 26 гадоў і быў рэпрэсаваны ў 1937-м (Віктар Жыбуль прачытаў таксама малавядомы верш Юлія Таўбіна, надрукаваны ў красавіцкай «Маладосці»), і пра Цфанію Кіпніса, мастака, які стварыў шаржы на нашых літаратараў-класікаў, пачынаючы ад Кандрата Крапівы, і пра рознае іншае. Спадара Жыбуля слухалі б доўга, так змястоўна і цікава ён распавядаў, але шмат каго яшчэ таксама хацелася паслухаць.

Аксана Варатнікова, аўтар зацемак «Ці бачылі вы чорную таполю», расказала, што яна ў дзяцінстве жыла на вуліцы Змітрака Бядулі (так супала), і ў дварах вечарамі яны ладзілі спектаклі «Пяць лыжак заціркі» (такія былі захопленыя), а напісала пра Цымку, сяброўку, і стары канспект, які дапамог разабрацца ў тым, што магло быць ніколі не ўведаным.

«Вішанькай на торце» было названа выступленне Паўла Касцюкевіча — аўтара кнігі «Палан Бабарозы», якая нядаўна выйшла. У красавіцкай «Маладосці» акурат друкаваўся ўрывак — «Урокі габрэйскай». Ну, тут не раскажаш — трэба было гэта чуць і бачыць. Гумар аўтара перадаўся, вядома, у сюжэт кнігі, таму, трэба меркаваць, шмат хто наступнага дня сабраўся ў кнігарню. А шмат хто і ў бібліятэку — чытаць красавіцкую «Маладосць».

Вечар быў аздоблены паэзіяй і музыкай, гульнямі і фотасесіяй з хэштэгам з «Маладосцю». А яшчэ на ім прэзентавалася Досця — дасціпны сімвал «Маладосці».

12 мая 2016 г.

На выставе «СМИ у Беларуси»

На выставе «СМІ ў Беларусі»

Сябры, мы запрашаем вас усіх разам на нашыя мерапрыемствы ў межах «СМІ ў Беларусі» на Пераможцаў, 14, на стэнд Выдавецкага дома «Звязда».

З «Маладосцю» на выставе будзе весела, несумненна. «Маладосць» там прадстаўляе ажно тры інтэрактывы. Удзельнікі, між іншым, атрымаюць падарункі, якія рад быў бы атрымаць кожны аматар сучаснай беларускай літаратуры. Але раскажам пра мерапрыемствы.

11 мая з 14.00 да 15.00 — «Комікс-майстра». Наведвальнікам будзе прапанавана маляваць коміксы на падрыхтаваных аркушах паперы. Закончаныя коміксы будуць выстаўляцца побач, каб іншыя наведвальнікі маглі галасаваць за лепшыя. Усе зацікаўленыя атрымаюць рэкламкі з абвесткай пра комікс-рубрыку ў «Маладосці» і кантактамі, на якія можна дасылаць свае творы. І гэта не ўлічваючы падарункаў!

12 мая з 12.00 да 13.00 — акцыя «Чытаем часопіс разам». У тым сэнсе, што разам з аўтарамі часопіса. Наведвальнікам выставы прапануецца чытаць урыўкі з надрукаваных у «Маладосці» апавяданняў на публіку. Тут жа чытачы могуць пазнаёміцца з аўтарамі твораў, атрымаць ад іх аўтограф, сфатаграфавацца… Чытальнікам — падарункі.

13 мая з 15.00 да 16.00 — квэст (a-la квэструм). Наведвальнікам выставы прапануецца, дзейнічаючы ў камандах, знаходзіць размешчаныя па ўсім стэндзе сімвалы «Маладосці» і старонкі яе гісторыі, рашаць загадкі, змешчаныя там, каб атрымаць добры настрой і чароўны прыз.

Сябры, мы чакаем ад вас прысутнасці і актыўнасці, энергіі і святла! Сустрэнемся?!

***

Мерапрыемствы часопіса «Бярозка» — прэзентацыі праектаў «Я — мастак» і «Аповесць-канструктар» пройдуць 12 мая на лужайцы каля выставачнага будынка на Пераможцаў, 14. Запрашаюцца вучні, настаўнікі, сябры часопіса і тыя, хто хоча імі стаць.

11 мая 2016 г.

Мелодыи маладосци

Мелодыі маладосці

на філалагічным факультэце БДПУ

Днямі на філалагічным факультэце БДПУ адбылася паэтычная імпрэза «Музыка душы». На мерапрыемства, якім распачыналася маштабнае святкаванне Дня факультэта, былі запрошаны рэдактар аддзела паэзіі часопіса «Маладосць» Ірына Мяцеліца, літаратурны рэдактар часопіса «Вожык» Вераніка Мандзік, паэт Міхась Бараноўскі і іншыя творцы, што некалі вучыліся ў педагагічным універсітэце. Ініцыятарам гэтай сустрэчы стаў вядомы паэт, выкладчык і аўтар гімна БДПУ Мікола Шабовіч. Госці і студэнты агучылі музыку ўласнай душы, паслухалі творы класікаў у выкананні вядучых Уладзіміра Рогава і Паліны Ціханскай.

5 мая 2016 г.

Генрых Сянкевич на Беларуси

Генрых Сянкевіч на Беларусі

З трох выдатных прадстаўнікоў польскай рэалістычнай літаратуры ХІХ стагоддзя (Ажэшка, Прус, Сянкевіч) найбольш папулярным і сярод даследчыкаў, і сярод чытачоў быў і застаецца Генрых Сянкевіч. Аднак лёс і гісторыя папулярнасці пісьменніка на Беларусі маюць вельмі цікавы характар. У шматлікіх навуковых крыніцах адзначаецца, што Сянкевіч генетычна і эмацыянальна быў звязаны з нашай краінай. Сянкевіч меў шляхецкае паходжанне. Па лініі матчынай у ім былі такія вядомыя постаці, як капелан Яна Казіміра, Яўхім Лелевель, граф Бруна Кіціньскі. Што датычыцца радаводу бацькі пісьменніка Юзафа Сянкевіча, то ён быў больш дэмакратычны і нацыянальна неаднародны. Былі ў ім палякі, беларусы, татары. Прадзеда пісьменніка звалі Міхалам Татарам і паходзіў ён са змешанай беларуска-татарскай сям’і. Трэба адзначыць, што ахрышчаны быў гэты Міхал Татар толькі на 15-тым годзе жыцця і прыняў каталіцкую веру. Троху пазней ён пачаў служыць у польскім войску і атрымаў тытул шляхціца. Змены ў сацыяльнай прыналежнасці і ў сям’і адбыліся ў XVIII стагоддзі. Даследчыкі творчасці і генеалагічнага дрэва роду Сянкевічаў і да сённяшняга дня не знайшлі адказу на загадку, чаму паненка з праслаўленай і вядомай сям’і (маці пісьменніка) выйшла замуж за небагатага старшага ляснічага (бацька пісьменніка). Маладая сям’я пачала жыць на Палессі (цяпер тэрыторыя Беларусі). Такім чынам, паходжанне і асяроддзе вельмі значна ўплывалі на фармаванне сямейнай атмасферы. Можна сказаць, што гэта быў уплыў генетычны на маленькага сына Генрыха (у будучым пісьменніка сусветнай славы). Будучы ўжо вядомым пісьменнікам і думаючы аб велічы сваёй Бацькаўшчыны, Сянкевіч не толькі збіраў гістарычныя матэрыялы, але і звяртаўся да дзейнасці і жыцця роду свайго бацькі, звязаных з Беларуссю.

Святлана Мусіенка

Чытаць далей...

5 мая 2016 г.